პილატესი

პილატესი არის სავარჯიშო სისტემა, რომელიც ეფუძნება კონტროლირებად, ზუსტ მოძრაობებსა და სწორ სუნთქვას. მისი მთავარი მიზანია სხეულის ყველა კუნთის თანაბრად გაძლიერება, მოქნილობისა და მობილურობის გაზრდა, ასევე, ბალანსის გაუმჯობესება. 

ფიტნესკლუბი „რეფორმა“ გთავაზობთ პილატესის სესიებს, რომლებიც მორგებულია თანამედროვე ცხოვრების რიტმსა და ადამიანის რეალურ საჭიროებებზე. სწორად შემუშავებული ვარჯიშების დახმარებით თქვენ შეძლებთ სხეულის გაძლიერებასთან ერთად, გაიუმჯობესოთ ზოგადი ფიზიკური და ფსიქიკური ჯანმრთელობა. 

👉 ასევე გაეცანით: იოგას კლასი

პილატესის ვარჯიშები განსაკუთრებით ორიენტირებულია ღრმა კუნთების გააქტიურებასა და განვითარებაზე. ესენია მუცლის, ზურგისა და მენჯის ირგვლივ არსებული კუნთები, რომლებიც უზრუნველყოფს სხეულის სწორ პოზიციასა და სტაბილურობას. სწორედ ამიტომ პილატეს მიმართავენ არამხოლოდ ფიტნეს მიზნებისთვის, არამედ სარეაბილიტაციოდაც. 

 👉 გაწევრიანდი კრივის კლუბში

პილატესის ვარჯიშების შესრულების დროს უდიდესი მნიშვნელობა ექცევა სუნთქვის სწორ ტექნიკას, რომელიც მოძრაობებთან სინქრონში სრულდება. სუნთქვის გაცნობიერებული კონტროლი აუმჯობესებს კუნთების მუშაობას, ამაღლებს ენერგიის დონეს და ხელს უწყობს ნერვული სისტემის დამშვიდებასა და სტრესის შემცირებას. გარდა ამისა, პილატესი ავითარებს კონცენტრაციის უნარს და მოვარჯიშეს ეხმარება სხეულსა და გონებას შორის კავშირის დამყარებაში. სწორედ ამიტომ ის იდეალური არჩევანია მათთვისაც, ვისაც ფიზიკური აქტივობის პარალელურად, სურს ფსიქიკური ჯანმრთელობის გაუმჯობესება. 

 👉 დაიმუხტე დადებითი ენერგიებით აერობიკის დარბაზში

„რეფორმაში“ პილატესის კლასს უძღვებიან გამოცდილი ინსტრუქტორები, რომლებიც ითვალისწინებენ თითოეული მოვარჯიშის ფიზიკურ შესაძლებლობებს, გამოცდილებასა და მიზნებს. ვარჯიშის პროცესში სრულდება სხვადასხვა სირთულის მოძრაობები, რომლებიც ირჩევა მოვარჯიშის გამოცდილების შესაბამისად. ასეთი ინდივიდუალური მიდგომა ამცირებს ტრავმების რისკს და უზრუნველყოფს უფრო სწრაფ და სტრაბილურ პროგრესს. 

ფიტნესკლუბ „რეფორმაში“ პილატესის სესიები სრულდება თანამედროვე დარბაზებში, სადაც შექმნილია მაქსიმალურად მშვიდი და კომფორტულ გარემო. 

სხვა ჯგუფურ ვარჯიშებზე დეტალური ინფორმაციის მისაღებად შეგიძლიათ იხილოთ ჩვენი პლატფორმა myreform.ge.